Малолетникот Д.К. (14), осомничен е дека во понеделникот учествувал во напад на М.М. (16) кој е исечен со мачета близу училиштето, објавува Блиц.
Мотив за нападот во кој биле користени ножеви, мачета и мала секира е тоа што жртвата навивала за Партизан, а напаѓачите за Војводина.
М.М. тој ден очекувал напад па со себе в школо донел нож со кој подоцна бил прободен. Тепачаката најпрво започнала во школскиот двор. После борбата тројца на еден, М.М. бил оставен да лежи во локава крв.
Според портпаролот на Детската болница Душан Вуковиќ, детето се здобило со повреди во вид на исекотини во долниот дел на градниот кош и абдоменот во ширина од 20 сантиметри, но подлабоки повреди нема.
Сите политички партии во Нови Сад изразиле протест затоа што главниот град на Војводина после четири години не добил началник на полицијата и уште 300 полицајци, колку што според проценките му се потребни на овој град за полицијата да ги потполни своите редови и ефикасно да ја штити безбедноста на граѓаните.