Судењето на шестмината Хрвати во „случајот Прлиќ“ во Хашкиот трибунал е прекинато откако еден од обвинетите, Слободан Праљак, наводно, испил отров по изрекувањето на пресудата, пренесе Ројтерс.
На Праљак му е изречена казна од 20 години затвор, по што тој стана, велејќи дека ја отфрла пресудата и испил течност од мала чашка. Неговата бранителка кажа дека „испил отров“.
https://www.youtube.com/watch?v=TmAkl-lELT0
Праљак, кој бил началник на Главниот штаб на Хрватскиот совет на одбрана, беше изнесен од судницата, а обезбедувањето повикало медицинска екипа.
Хашкиот трибунал претходно го потврди постоењето на здружен хрватски криминален потфат со цел етничко чистење на делови од БиХ.
Со пресудата за Херцег Босна, Хашкиот Трибунал оди во историјата
Советот за жалби на Хашкиот трибунал ја одби жалбата на обвинетите и го потврди заклучокот дека здружениот злосторнички потфат „го основале Фрањо Туџман и други политички лидери со цел воспоставување ентитет во склад со старите граници на Хрватска“.
На шесторицата претставници на босанските Хрвати, предводени од Јадранко Прлиќ денес им започна читањето на пресудата, со која првостепено се осудени на 111 години затвор.
Осудени се Јадранко Прлиќ, Бруно Стојиќ, Берислав Пушиќ, Слободан Праљак, Валентин Кориќ и Миливој Петковиќ.