Специјалниот претставник на Обединетото Кралство за Западен Балкан, Сер Стјуарт Пич, е во дводневна посета на Северна Македонија.
„Западниот Балкан е од клучно значење во визијата на ОК за градење на европската безбедносна и економска мрежа, затоа продолжуваме да работиме со нашите партнери во Северна Македонија за зајакнување на стабилноста, демократијата, владеењето на правото и справувањето на криминалот и корупцијата“, рече преку видео порака, новоназначениот специјален претставник на Обединетото Кралство за Западен Балкан, Сер Стјуарт Пич, кој пристигна во дводневна посета на Северна Македонија.
За време на посетата на Северна Македонија, Сер Стјуарт се сретна со претседателот Стево Пендаровски, премиерот Димитар Ковачевски, министерот за надворешни работи Бујар Османи, министерката за одбрана Славјанка Петровска, членовите на опозицијата и младите со кои разговараше за идното продлабочување на веќе воспоставените силни билатерални односи помеѓу Обединетото Кралство и Северна Македонија и ја потврди силната посветеност на Обединетото Кралство на евроатлантската интеграција на Западен Балкан како и посветеноста на Обединетото Кралство на зајакнувањето на стабилноста, демократијата, владеењето на правото и справувањето со криминалот и корупцијата.