Заврши средбата на министрите за надворешни работи на Русија и Украина, Сергеј Лавров и Дмитро Кулеба, но без договор за прекин на огнот во Украина. Според шефот на украинската дипломатија Дмитро Кулеба, за време на 90-минутната средба во Анталија со рускиот колега разговарал за 24-часовен прекин на огнот, но не е постигнат напредок.
Кулеба во изјава за медиумите рече дека преговорите со Лавров оделе тешко, а разговарале и за хуманитарните коридори и прекин на огнот, но договор не е постигнат.
Според него, на состанокот се зборувало и за можноста да се воведе 24-часовен прекин на огнот, но не дошло до договор.
Лавров по денешната средба изјавил дека овие преговори немаат алтернатива, додавајќи дека Украина веќе го разгледува рускиот предлог за прекин на војната и дека ќе достави одговор.
Зборувајќи за руската страна, тој рече дека приказната за хуманитарните коридори се уште е „на маса“, и да се разговара кои патишта се најбезбедни.
– За време на последната рунда разговори руската страна излезе со конкретни предлози, а украинската не увери дека ќе даде конкретен одговор. Сакаме сериозно да разговараме за работите, рече Лавров.
На прашањето за евентуална средба меѓу Путин и Зеленски, Лавров рече дека не е поентата само да се одржи средба, туку и да се изнајде решение.
– Да се потсетиме на средбата во Париз во 2018 година, кога не беа испочитувани условите. Која е поентата повторно да се среќаваат ако договорите не се почитуваат, нагласи Лавров.
Министрите за надворешни работи на Русија и Украина денеска во Анталија ги одржаа првите разговори на високо ниво меѓу двете земји, откако Москва го нападна својот сосед, при што Анкара се надева дека тие би можеле да означат пресвртница за конфликтот.
https://www.youtube.com/watch?v=PmqKGewaOHg&t=2s