Бараките на старата автобуска станица во Белград со месеци се дом на неколку стотици мигранти кои поради затворањето на балканската рута се најдоа во без излез.
На температури кои деновиве паѓаат и под -17 во текот на ноќта, а во текот на денот достигнуваат едвај -5 степени, тие секојдневно чекаат во ред за храна- за еден оброк дневно што го обезбедуваат волонтерите.
Тука се сместени околу 1.000 мигранти и бегалци од Авганистан и Пакистан. Бараките кои се наоѓаат веднаш зад Железничката станица во Беград, се под секакви услови и за засолниште, а на камоли за престојувалиште.
-Сите проблеми се поради тоа што границата е затворена, вели Авганистанецот Ролоха.
– Времето е толку студено, нам овде ни е здодевно, Немаме облека, немаме ќебиња, немаме соодветно место за преспивање, немаме каде да се капеме, тоалети и многу други основни работи. Всушност немаме ништо, вели Џавид бегалец од Авганистан.
По серијата репортажи на повеќе светски медиуми за трагичните услови во кои се наоѓаат мигрантите и бегалците во српската престолнина, тамошните власти вчера организираа пренос на околу 250 бегалци во прифатни центри во Обреновац и Крњача и во други градови низ земјата.