Напад на градоначалникот на Атина, упад на филмска проекција во Њујорк, судир со полицијата, тепачки, убиства.. се дамо дел од насловите во кои предмет е „Златна зора“.
Студентот Константинос Јоргосис ги снимал некои од членовите на партијата низ улиците во Атина, во летото 2012 година. Во видеото се гледа вулгарниот и насилниот начин на комуникација на членови на партијата „Златна зора“ за време на кампањата пред парламентарни избори на 17 јуни 2012 година, кога тие освоија 18 места во парламентот на Грција.
Еден од членовите на нео-нацистичката партија зборува за имигрантите како паразити кои „ја трошат“ Грција.
>> „Златна зора“ дејствувала по нацистичка доктрина
– Економијата ќе се среди штом ги средиме 3 милиони имигранти. Овие паразити ја пијат нашата вода, ја јадат нашата храна, и го дишат нашиот грчки воздух. А тоа не убива. Штом си заминат, ќе имаме пари да ги зголемиме платите и да ја елиминираме невработеноста. Тие се примитивци, тие се загадување. Гајле ни е за нивната егзистенција. Подготвени сме да ги отвориме печките. Ќе ги претвориме во сапун. Ќе правиме светилки од нивната кожа…златните заби ќе и припаднат на државата, зборува тој во видеото.
Во еден момент откако се сликаат со странци, велат „налетавте на Златна зора побегнавте во последен миг“.
>> Досие Златна Зора: им се гледа ли крајот на грчките фашисти
Видеото кое е емитувано на британскиот „Канал 4“ зборува за малтретирањата и расната омраза која ја шират членовите на „Златна зора“.
Партијата во неколку наврати ги отфрли обвинувањата за насилни дејствија, како и тоа дека функционираат по нацистичка доктрина, а себе се опшиуваат како грчки националисти.