Во Македонија има над 3000 фантоми или лица без идентитет. Тие немаат право на здравствено осигурување и работа, не можат да гласаат, ниту да заминат од земјава. Едноставно се невидливи за системот и државата. Преку животната приказна на семејството Сулејман од Шуто Оризари, ви ја пренесуваме голготата низ која минуваат овие семејства, но и негрижата на државата за овие луѓе, чиј проблем наместо системски да се реши, бројот на фантомите секоја година се’ повеќе се зголемува.