камера: Трајче Антоновски
Вториот ден фудбалска треска во Скопје само се засили со присутноста на фудбалските навивачи кои пристигнаа денес.
Во центарот на главниот град може да се забележи дека доминираат навивачите на англискиот неколкукратен шампион Манчестер Јунајтед пред Шпанците, а можеби најдобар опис за тоа е изјавата на Хавиер од Мадрид кој вели, тие немаат евтини летови како Англичаните за да дојдат во Скопје.
Но и покрај тоа, тој е радосен што овде запознал навивачи на шпанскиот гигант Реал Мадрид од други држави. Хавиер е убеден дека вечерашниот натпревар ќе заврши позитивно за неговиот тим.
Кафулињата работат со полна пареа а пивото е неизбежен освежителен пијалок за присутните на овие пеколно жешки температури.
Но како што објаснуваат Англичаните, за нив престојот во Скопје е убав затоа што им е евтино а квалитетно.
Низ улица Македонија, градскиот плоштад и кејот покрај ГТЦ, неизбежно е изминативе два дена да не чуете навивачки песни, а Скопје засега се покажува како одличен домаќин каде што нема ниту една пријава за некакви нерегуларности.
Натпреварот е во 20:45 вечерва, а освен стадионот, се очекува полно да биде и на фан зоната организирана на плоштад и во градските кафулиња.