Заврши и втората пауза од работната група на анкетната комисија во проширен сосав. Двете страни повторно на одвоени разговори беа во дворот на Клубот на пратениците и се консултираа.
Ако за време на првата пауза претседателот Борче Давитковски и странскиот експерт разговараа со опозицијата, втората пауза ја искористија да поразговараат во претставниците од владеачката ВМРО – ДПМНЕ.
Засега нема индикации дека состаноците ќе завршат во скоро време, ниту едната ниту другата страна не сакаат да коментират ништо, се додека не се заврши средбата.
Се шпекулира дека постои можност и денеска да не се донесат никакви заклучоци и дискусијата да продолжи и наредните денови.
>>Одвоени координации во Клубот на пратениците
Пред почетокот на средбата изјавите кои ги дадоа лидерот на опозицијата и премиерот навестија дека консултациите ќе бидат долги и макотрпни.
„Очекувам резултат од дијалогот и се надевам дека СДСМ ќе ја препознае важноста, пред се за државата, од успешното завршување на овој дијалог, ќе ги надмине теснопартиските интереси и ќе успееме во наредните четири дена да дојдеме до решение“ изјави премиерот Никола Груевски пред денешниот состанок на ад хок Комисијата за расчистување на настаните од 24 декември.
“Очекувам комисијата да констатира дека на 24 декември имало уставни прекршувања”, изјави лидерот на СДСМ Зоран Заев.