Известувачот за Македонија во Европскиот парламент посочо три клучни предуслови кои земјава треба да ги исполни за да земјите-членки во декември да и дадат на земјава датум за почеток на преговорите за членство во унијата. Имплементацијата на заклучоците од Анкетната комисија, напредок во областа на добрососедските односи со Бугарија и значаен напредок во обезбедување на слободата на изразувањето се трите работи кои тој ги порача, а кои произлегоа од неговата посета во земјава во чии рамки тој се сретна со претставници на власта, опозицијата, невладиниот сектор и медиумите.
Наодите од кои произлегуваат и предусловите имаа остар и критичен тон. Се наведуваа конкретни примери за демократските слабости, како случајот Кежаровски, притисоците врз општина Центар од страна на власта и состојбите со медиумите и судството.
Тој истакна дека проблемот со Грција не е единствената пречка на земјава за влез во унијата, а дека проблемите во областа на владеењето на правото и демократијата се сериозни и токму затоа тој ќе предложел отворање на преговорите со скриниг на поглавјата 23 и 24.
Погледнете ја интегрално конференцијата за печат на Ховит во видеото.