Со настапот во живо на меланхоличните панкери од Новиот почеток и постдоуп диско панк рокерите од The John, вечерва завршува„ Викенд на гордоста Скопје 2016 (Skopje Pride Weekend 2016)“.
„Целовечерната забава започнува во 21 часот бо Кино Култура, а ќе уживаме во DJ сетовите на едни од најмоќните жени на клупската сцена во Скопје: Виолета Качакова, Хада Блам (Ивана Драгшиќ) и Соња Исмаил“, велат организаторите.
„Викенд на гордоста“ е во организација на Коалицијата Сексуални и здравствени права на маргинализираните заедници и ЛГБТИ-Центар за поддршка при Хелсиншкиот комитет.
Партнери на овогодишниот Викенд се Младинскиот образовен форум – МОФ и Кино Култура (Локомотива). Поддржано од Амбасадата на САД и Амбасадата на Франција.
Носечката идеја на годинешниот „Викенд на гордоста“ е СОЛИДАРНОСТА. Целта е подобар, поинаков свет, во кој гордоста и слободата се слават, а се става крај на хомофобијата и насилството.