Новото Јавно обвинителство за гонење организиран криминал и висока корупција ќе го наследи досегашното СЈО. Ова денеска го соопшти премиерот Зоран Заев на прес конференција на која објави дека поради одбивањето на опозицијата да учествува на лидерската средба на чиј дневен ред беше токму законот за ЈО.
Текстот на предлог законот за ЈО идната недела ќе биде доставен до Собранието, каде како што рече, ќе се отвори дијалог со сите политички партии и пратенички групи. Текстот ги содржи сите точки за кои досега се разговарало и со опозицијата и со другите пратенички групи и ќе биде ставен на увид на јавноста.
Како што објави Заев, тоа ново ЈО ќе работи во рамки на Републичкото јавно обвинителство, а се предлага да го води сегашната шефица на Обвинителството за организиаран криминал и корупција Вилма Русковска. Во него ќе продолжат да работат сите обвинителите и истражителикои беа досега во СЈО, архивата и опремата, а тоа ќе продолжи да ги засапува сите предмети за кои сега се водат судски постапки. Ќе делува на територијата на целата држава во координација со ЈО. Самостојноста ќе се гарантира на тој начин што за неговиотн состав ќе одлучува Советот на јавни обвинители како што предвидува законот, и врз тоа никаква улога нема да имаат политичарите. За евентуално разрешување на шефот на ова ЈО ќе одлучува Советот на јавни обвинители со 2/3 мнозинство.
Како што кажа Заев ова Обвинителство ги има сите гаранции за незвисно вршење на функцијата, а една од тие гаранции е неговата финансиска независност. Финансискиот план ќе го предлага шефот на ова ЈО, а Владата и Собранието нема да можат да го менуваат.