По неколкуте укажувања на водителот дека тоа е линијата која земјата мора да ја премине и дека би требало во дијалог со опозицијата да се најде заедничко решение Мицковски понуди решение кое би ја покрило неговата седумгодишна блокада на земјата кон НАТО и ЕУ ако Филипче во име на опозицијата јавно признае дека воделе погрешна државна политика која довела до последниот услов итврден во преговарачката рамка.
Тито Беличанец
Со години ја следам политичката, а последниве 14 месеци и премиерска работа на Мицковски.
Со денешното интервју, кое за воља на вистината водителот (кој често го критикувам) го водеше професионално, се покажа вистинскиот нарцисоиден лик на Мицковски, неговата политичка испразност и немањето на политичка визија усогласена со актуелнита меѓународна состојба во светот а посебно во Европа а во тие рамки пред се во ЕУ.
Арогантно без аргументи ги обезвредни Преспанскиот догоговор и Договорот за пријателство со Бугарија и тоа што нивното усвојување ја внесоа Македонија во НАТО и Бугарија ја симна блокадата да се усвои преговарачката рамка по која почнааа преговорите за влез во ЕУ. И сето тоа било причина за сегашната “национална исплактнасот”. А политиката која ја водеа Владите и нивните премиери ја нарече “акробации на Заев и Филипче”.
Призна дека скоро една година работел на обидот во резолуција или во Извештајот за напредокот на земјата во ЕУ да се направи “историски чекор” со тоа што во нив би се потврдил националниот идентитет и македонскиот јазик. Се разбира призна дека тој негов проект заврши неуспешно и наведе дека сеуште продолжи “национална исплакнатост”.
На клучното прашање што понатаму и дали размислува да ги прифати се побројните укажувања дека сега е историска шанса Македонија да ги продолжи преговорите со ЕУ е исполнувањето на последниот услов, односно внесувањето на Бугарите во Преамбулата на уставот. На укажување на водителот дека без тоа нема влез во ЕУ Мицковски се “укопа” во ставот дека за тоа не добил мандат од гласачите.
По неколкуте укажувања на водителот дека тоа е линијата која земјата мора да ја премине и дека би требало во дијалог со опозицијата да се најде заедничко решение Мицковски понуди решение кое би ја покрило неговата седумгодишна блокада на земјата кон НАТО и ЕУ ако Филипче во име на опозицијата јавно признае дека воделе погрешна државна политика која довела до последниот услов итврден во преговарачката рамка.
На прашањето дали би прифатил референдум на кои граѓаните би се изјадниле за влез во ЕУ под условите кои ги утврди ЕУ, после петлачењето и нејасно поврзување на теферендумот со првиот којшто беше спроведен и бојкотиран од ЕУ, остави впечаток дека не е одушевен од референдум заради можноста прашањето да биде шпекулативно поставено како во првиот теферендум.
Накусо, после ова интервју останав стаписан од ниското ниво на разбирање Мицковски на светскато меѓународно престројување кое се одвива во светот и економската криза. А пред се наивните укажувања како ќе ја движи земјата и без ЕУ.
Се разбира одби да одговори на прашањето која ќе биде изменетата положба на Македонија ако Албанија и Црна Гора станат членки на ЕУ пред Македонија.
Од Фејсбук ѕидот на авторот