„Владата нема јавно да коментира или да шпекулира за деталите на процесот за изнаоѓање заемно прифатливо решение“, стои во реакцијата на Владата по изјавите на Ахмети.
-Според принципите и јавно искажаните ставови, а со цел да не се наруши процесот и да не се влијае на позициите во разговорите, Владата нема јавно да коментира или да шпекулира за деталите и аспектите на процесот за изнаоѓање заемно прифатливо решение околу отвореното прашање со Грција.
Со оглед на фактот дека грчката страна се’ уште се нема произнесено по идеите на медијаторот, и имајќи ја предвид негативната кампања што се јави во Грција непосредно по презентацијата на последните идеи на Нимиц, цениме дека нема потреба од јавна дискусија по идеите. Доколку има позитивен одговор од грчка страна, Владата ќе ја информира целата јавност, како и сите општествени фактори за идеите и ќе се обиде низ консензус да продолжи во дискусијата за предлогот“, стои во владиното соопштение, со додавка дека „конечниот збор за секоја идеја, предлог, решение ќе го имаат граѓаните на референдум и тоа во никој случај нема да зависи исклучиво од волјата на поединци, политичари или политички партии
Ние сме посветени на процесот и се залагаме за негово динамизирање и интензивирање на највисоко ниво со цел надминување на препреките и предизвиците и сме во очекување на одговор од грчка страна до медијаторот Нимиц, како и до нас, во врска со нашите конструктивни и продуктивни иницијативи“, порачаа од Владата.