Владата ќе потроши 270 илјади евра за да ја рекламира земјата на Гугл. Генералниот секретаријат при Владата на РМ кон крајот на Февруари склучил договор со претставникот на Гугл во Хрватска во вредност од 16.486.750 милиони денари или околу 270 илјади евра.
Ова е првиот договор засега, бидејќи според податоците достапни на Бирото за јавни набавки, Владата планира да потроши 21 милиони денари или околу 350 илјади евра. Целта на рекламите на најголемиот интернет пребарувач на светот е туристичка промоција на Македонија.
Владата и во минатото трошеше пари за рекламна промоција на земјата во странство. Се правеа скапи реклами кои се емитуваа на светскиот телевизиски сервис СиЕнЕн. Само за изработка на дел од спотовите се потрошија 625 илјади евра, без да се вклучат парите потрошени за закупување рекламен простор на СиЕнЕн.
Светскиот економски форум во истражувањето за конкуретност во туризмот правено во 140 земји, ја рангираше Македонија на 87 место во однос на ефектот кој го има маркетингот на државата врз туризмот
Минатиот месец Владата склучи договори во износ од половина милион евра за нова реклама за промоција на семејните вредности. За детали околу тоа колку пари троши владата на рекламирање прочитајте поопширно во анализата на Нова на овој линк