Владата посветена на спроведувањето на Договорот од Преспа, кој го отвори патот на интеграцијата на земјата во НАТО и во ЕУ, изјави денеска на прес-конференција владиниот портпарол, Муамет Хоџа.
-Има две странки во овој Договор, македонската и грчката. Тие се фокусирани на сите обврски кои произлегуваат од ваквиот Договор. Формирана е соодветна Комисија во рамки на двете влади. Соодветната комисија работи во текот на оваа година, моментот кога тие ќе имаат договор или ќе имаат заеднички заклучоци за ова јавноста ќе биде известена. Но, за целата процедура немаме ниту една пречка, имаме комуникација меѓу двете влади, меѓу двете комисии, немаме пречки, комуникацијата е постојана. Се надеваме дека за сите отворени прашања наскоро ќе имаме договор, изјави Хоџа.
Одговорајќи на новинарско прашање, портпарол Хоџа нагласи дека Владата на Република Северна Македонија не сака да се впушти во коментирање на медиумски написи.
-Со Договорот од Преспа, како и со Договорот за добрососедство и пријателство со Република Бугарија покажавме дека наша цел се добрите односи со соседите, како еден од условите за членство во ЕУ. Очекуваме континуирана поддршка од нашите соседи кои се членки на ЕУ, тие да се залагаат за наше побрзо интегрирање, истакна Хоџа.