Пратениците од парламентарното мнозинство ќе гласаат против зголемувањето на платите на вицепремиерите – дознава НОВА. Според партиски извори, ова било договорено на вчерашната координација на пратеничката група на СДСМ.
Зголемувањето на платите на вицепремиерите се ставени на дневен ред на денешната седница.
Со измените на Законот за плата и други надоместоци на избрани и именувани лица, се предлага коефициентот за утврдување на плата на заменик – претседател на Влада да се пресметува со коефициент 4, наместо 3,70 колку што изнесува коефициентот за утврдување на плата на останатите членови – министри во Владата.
Со овој предлог платите на вицепремиерите требаше да се зголемат за 8.027 денари месечно.
Во март лани, по иницијатива на партијата Левица, Уставниот суд донесе одлука со која го укина членот 14 со кој се регулираше платата на „потпретседателите на Владата“ со образложение дека функцијата „потпретседател на Влада“ нема ниту во Уставот, ниту во Законот за Влада.
Со ваквата одлука на Уставниот суд автоматски платите на т.н. потпретседатели на Владата се намалија затоа што висината на нивните плати повеќе не се утврдуваше со коефициент 4,00 од просечната плата, туки по коефициент 3,70, како и за останатите министри.