Власта и опозицијата постигнаа консезус околу измените на изборниот законик. Измените се усвоени на седница на Владата и по итна постпака ќе бидат предложени до Собранието. Со усвоените измени предвидени се следниве правила:
Одделување на власта од државата
Со овие измени предвидена е забрана на доделување на буџетки средства за нови градби, субвенции, социјална помош и други матерјални давања сем за редвони исплати. Измените исто така предвидуваат забрана за време на избори на јавни настани кои служат за промоција на власта. Доколку овие правила бидат прекршени предвидена е затворска казна од 6 месеци до 1 година.
Избирачки списоци
Во овој дел на измените предвидено е наместо со спреј гласачите да се одбележуваат при гласање со мастило се додека не се обезбедат други технички услови какви што се машините за читање на отисоци. Избирачките списоци кои се во процес на прочистување се предвидува одделно да ги прикажат лицата кои живеат во странство а имаат право на глас. МВР има обврска да доставува податоци за ажурирање 4 пати во годината.
Медиуми
Медиумите не смеат да одделат повеќе од 12 минути во реален час платена политичка програма. До почетокот на изборната кампања платената политичка програма е забранета. Во делот на донациите тие се ограничуваат на 50 000 евра и во нив се пресметани и попустите за рекламирање.
МРТВ се обврзува во информативните програми една третина да посвети на настаните на денот, една третиона за презетирање на активнотите на владечките партии и една третина за активностите на опозициските партии.
Собранискиот канал ќе обезбедува по 3 часа програма дневно за опозицијата и 3 часа за власта. Прекршувањето на принципот на подеднаква застапеност на Јавниот сервис повлекува оставка на директорот на МРТВ.