Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Власта нема монопол врз животот на работниците

0
By Zoran Ivanov on January 29, 2026 ИЗБОР
СПОДЕЛИ
Facebook Twitter LinkedIn Email
Published: Thursday, January 29, 2026 09:07

Можеби не изненадува, но сигурно води кон гнев кога власта ја прогласува егзистенцијалната мака за „политизирање“, а одговорноста ја заменува со медиумски манипулации и директни притисоци, со што ги крши фундаменталните човекови права.

Џабир Дерала

Зголемување на минималната плата на 600 евра, линеарно зголемување на сите останати плати за 100 евра и намалување на платите на функционерите кои претходно беа зголемени за 78 отсто.

Ова не се радикални, ниту нереални барања. Се работи за крик, барање да се задоволат некои основни, минимални услови за пристоен живот, што вчера илјадници работници ги побараа на протестите организирани од Сојузот на синдикатите. Барања што произлегуваат од суровата реалност во која една третина од работниците преживуваат под прагот на сиромаштијата, додека трошоците за живот континуирано растат.

Во изминатиот период, власта предводена од ВМРО-ДПМНЕ остана глува на овие барања. Наместо сериозен социјален дијалог, од ден во ден следевме мешавина од популистичка реторика и празни ветувања, кои во реалноста завршуваат како заштита на интересите на газдите, а не на работниците. Синдикатите најавуваат радикализација преку генерален штрајк. Ова мора јасно да се разграничи: протестите и најавите за генерален штрајк се последица на системско игнорирање, а не на „политичка агенда“.

Работниците во Северна Македонија примаат најниска минимална плата во регионот, додека потрошувачката кошница одамна ги надминува месечните примања на просечниот работник. Оваа состојба директно го поттикнува иселувањето и создава сериозен недостиг на кадри во клучните индустрии. Ова не е идеолошка, ниту партиска теза, туку економски и демографски факт.

Очекувано, владејачката партија и премиерот Христијан Мицкоски се обидоа да го минимизираат обемот на протестите, прогласувајќи ги за политички монтирани. Во партиските соопштенија се лицитираше со бројки, со тврдењето дека на протестот имало „само“ околу 1.000 луѓе. Синдикалниот лидер Слободан Трендафилов решително ги отфрли овие обвинувања.

Масовноста, колку и да се трудат власта и нејзините медиумски мегафони, не може да се избрише ниту со лаги, ниту со манипулации.

Дополнителен аргумент за „политизација“ власта гледа и во најавата на СДСМ дека ќе поднесе законски решенија кои ги поддржуваат синдикалните барања. Но ваквата логика е длабоко проблематична: дали тоа значи дека секоја поддршка на работнички права автоматски е злоупотреба, а секое страдање мора да остане аполитично за да биде „дозволено“?

Особено загрижувачки се сведоштвата за организирани притисоци врз работниците за да не учествуваат на протестите. Јавно посочените примери во Македонски пошти и Тутунски комбинат Прилеп укажуваат на директни закани и заплашувања.

Таквите практики не се инциденти, туку системска опструкција на основните човекови права и слободи – правото на протест и слободно изразување, гарантирани со Уставот, законите и меѓународното право. Правото на протест не е милост, туку темел на демократијата, а неговото попречување претставува директен напад врз демократските процеси во целост.

Синдикатите повеќепати јасно нагласија дека мотивот за излегување на улица е егзистенцијалната мака, не партиската припадност. Но кога власта одбива да слуша, а секоја социјална тема ја прогласува за „политички напад“, таа самата ја турка земјата во уште подлабока поларизација.

Социјалната несигурност, сиромаштијата и отсуството на суштински социјален дијалог неминовно водат кон политичка конфронтација. Но наместо решенија, власта – уверена дека ги контролира сите лостови на моќта, вклучително и медиумскиот простор, и потпирајќи се на интересите на газдите – избира манипулација и дискредитација. Обвинувањата за „политизација“ се апсурдни, затоа што власта нема монопол ниту врз социјалните теми, ниту врз вистината за животот на луѓето. Уште помалку има право да го приватизира егзистенцијалниот страв и барањата на работниците.

Власта нема монопол врз животот на работниците. Таа има обврска – да слуша, да одговара и да дејствува. Особено сега, кога не станува збор за политика, туку за гол опстанок.

Текстот е сопственост на ЦивилМедиа.мк

колумна Џабир Дерала
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.