Кој се заканува на семејствата на жртвите од несреќата од Тетово? Зошто ОЈО молчи?
Ова се прашањата на кои одговор преку соопштение, бараат од опозициската ВМРО-ДПМНЕ.
И додека е во тек истрагата од страна на МВР за заканите врз членови на дел од семејствата на жртвите како и истрагата за причините за избувнувањето на пожарот, опозициската партија главниот виновник и натаму го посочува во власта.
-Кој од власта има толкава моќ да се заканува по животот на луѓето чии членови на семејство изгубија живот во пожарот во Тетово? Кој се плаши да не излезе вистината на виделина? Во ситуација кога луѓе се заплашувани да не зборуваат станува јасно дека не може да имаме непристрасна и независна истрага, сметаат од ВМРО-ДПМНЕ.
Тие и денеска побараа разрешување на одговорните лица за инцидентот, зашто без нивно разрешување ќе немало независна истрага.
-Не може Заев да чека истрагата да заврши па да одлучи по однос на оставките, се наведува во партиското соопштение.