Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

ВМРО-ДПМНЕ наместо да презентира изборна програма, води предвремена „црна“ изборна кампања

0
By Ана Василевска on January 9, 2024 ВЕСТИ, ПОЛИТИКА
СПОДЕЛИ
Facebook Twitter LinkedIn Email

Билборди, герилски акции, разни транспаренти, видео презентации, слогани и изјави со неосновани обвинувања од опозициската ВМРО-ДПМНЕ и ултранационалистичката Левица за дискредитирање на проевропските партии СДСМ, ДУИ, АА итн., иако предизборната кампања официјално не е започната, е сликата на политичката сцена во Северна Македонија, на почетокот на новата година.

Опозициската ВМРО-ДПМНЕ наместо да ја презентира својата изборна програма пред граѓаните, како алтернатива на прогресивните политики на Владата, таа секојдневно се занимава со неосновани обвинувања, предизвикувајќи иритација кај граѓаните, а во некои случаи и наштетување и наелектризирање на меѓуетничките и меѓурелигиските односи, со својата популистичка и националистичка реторика.

Говорејќи за скандалот во М-НАВ, лидерот на опозициската ВМРО ДПМНЕ, освен што побара да се расчисти случајот и да постапат надлежните органи, што до тука е во ред, оди понатаму барајќи „ликвидација“ на инволвираните во скандалот, без да има судски епилог.

– Замислете што би се случило кога ваква би рекол бандитска група би упаднала на аеродромот во Вашингтон или на аеродромот во Париз или на аеродромот во Берлин. Или сега би биле уапсени, или би биле ликвидирани, изјави Мицкоски.

Од друга страна, партијата на Љубчо Георгиевски, ВМРО – Народна, во пресрет на двојните претседателски и парламентарни избори, гледајќи дека неговата поранешна партија игра на картата на национализмот, и тој се обидува да извлече корист на оваа карта. На повеќе локации во Скопје се појавија билборди на ВМРО – Народна кои повикуваат да се слуша македонска музика за да се заштити идентитетот.

Формално, кампањите во Северна Македонија не се ограничени. Единствено ограничување е од моментот кога ќе се распишат изборите, до официјалниот почеток на кампањата, само во овој период е забрането партиите да водат кампања. Но, предвремените кампањи имаат тенденција да направат, особено неопределените и апатични гласачи, да им здодее политиката и да апстинираат во поголем број.

Сепак, општиот политички амбиент најмногу влијае на апстиненцијата. Во современиот свет, но и кај нас, кампањите не престануваат, цело време партиите водат кампања. Но, она што треба да се забележи е дека имаме континуирана негативна „пинг понг“ кампања, со прес-конференции. Негативната кампања е полесна и побрза. Полесно е да се постигне и полесно е партиите да допрат до своите гласачи.

Истражувањето на јавното мислење покажува дека се зголемува бројот на неопределени гласачи и оние кои ќе апстинираат на изборите и може да ја намалат вредноста на изборите со намалување на процентот на граѓани кои излегуваат на гласање. Токму во таа насока се црните кампањи – да ги одвратат гласачите да излезат на изборите.

Врз основа на договорот што го постигнаа лидерите на парламентарните политички партии, првиот круг од претседателските избори ќе се одржи на 24 април, додека на 8 мај ќе има двојни избори – вториот круг од претседателските и парламентарните избори.

Изборната кампања официјално започнува 20 дена пред изборите. До крајот на месецов се очекува да се гласа во Собранието и техничката Влада која ќе биде надлежна за организирање на претседателските и парламентарните избори. ДУИ соопшти дека за премиер на техничката влада ќе го предложи Талат Џафери, актуелен претседател на Собранието. Пратеникот Јован Митрески е предлогот на СДСМ за претседател на Собранието.

Дестан Јонузи

Извор: Фронтлајн.мк

ВМРО-ДПМНЕ Христијан Мицкоски
Share. Facebook Twitter LinkedIn Email
ТИКЕР

Пукотници на универзитет во Пенсилванија: Една жртва и шест повредени

October 26, 2025

Двајца словенечки министри дадоа оставки по убиството во Ново Место

October 26, 2025

Косовското собрание не го избра Курти за премиер

October 26, 2025

Француската полиција уапсила двајца осомничени за грабежот во Лувр

October 26, 2025

Лидерите на Тајланд и Камбоџа потпишаа проширен договор за прекин на огнот во присуство на Трамп

October 26, 2025
ФОКУС

Трамп до Путин: Нема да губам време

ВЕСТИ October 26, 2025

 Американскиот претседател Доналд Трамп изјави дека нема да се сретне со рускиот претседател Владимир Путин…

Родителите на загинатите во „Пулс“: Каде беа институциите кога ни изгореа децата?

October 25, 2025

Католичките свештеници за помалку од пет години сексуално злоупотребиле 4.451 лица

October 24, 2025

Данела Арсовска: Советот на Град Скопје и Управниот одбор се одговорни за состојбата во „Комунална хигиена“

October 23, 2025
ТИКЕР

Пукотници на универзитет во Пенсилванија: Една жртва и шест повредени

October 26, 2025

Двајца словенечки министри дадоа оставки по убиството во Ново Место

October 26, 2025

Косовското собрание не го избра Курти за премиер

October 26, 2025

Француската полиција уапсила двајца осомничени за грабежот во Лувр

October 26, 2025

Лидерите на Тајланд и Камбоџа потпишаа проширен договор за прекин на огнот во присуство на Трамп

October 26, 2025
CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.