ВМРО-ДПМНЕ нема да поддржи интерпелација на претседателот на Собранието Африм Гаши, изјави лидерот на партијата Христијан Мицкоски. Според Мицкоски, Гаши се однесува различно од неговиот претходник Талат Џафери и затоа нема да ја поддржат интерпелацијата.
Соња Христовска Угриновска
Начинот на кој тој се однесува како спикер во Парламентот, како ги води седниците и се тоа што таму се случува претставува сериозно различно однесување од тоа што го правеше неговиот претходник – рече Мицкоски.
ВМРО-ДПМНЕ нема да поддржи интерпелација на претседателот на Собранието Африм Гаши, изјави лидерот на партијата Христијан Мицкоски. Според Мицкоски, Гаши се однесува различно од неговиот претходник Талат Џафери и затоа нема да ја поддржат интерпелацијата.
Одговарајќи на новинарски прашања по поставувањето камен темелник за изградба на градски пазар во Неготино, тој кажа дека партијата не гледа причина за интерпелација на спикерот Гаши.
Начинот на кој тој се однесува како спикер во Парламентот, како ги води седниците и се тоа што таму се случува претставува сериозно различно однесување од тоа што го правеше неговиот претходник – рече Мицкоски.
Според него, коалицијата СДСМ-ДУИ-Левица, има свои мотиви зошто поднесуваат таков тип на интерпелација.
Претпоставувам дека оваа коалиција и политичари од рангот на Артан Груби, Талат Џафери, Бујар Османи и Али Ахмети им е подобра, отколку сегашната состојба, но јас не мислам дека е така и затоа нема да поддржиме ваков тип на интерпелација – изјави Мицкоски.
Пратеничката група на Левица на почетокот на месецов во Парламентот поднесе интерпелација за работата на претседателот на Собранието Африм Гаши. Интерпелацијата е ставена на дневен ред на 13. пленарна седница закажана за 3 септември.
Како што се наведува во изјавата, Гаши ја повредил секуларноста на државата кога на собраниска седница за одбележување на геноцидот во Сребреница заедно со други присутни изведе групна верска молитва.
Како втора причина за барање одговорност од Левица го наведуваат инцидентот со косовската претседателка Вјоса Османи на скопскиот аеродром.
Според Левица, Гаши како претседател на законодавниот дом направил и повреда на употребата на македонскиот јазик затоа што заклетвата што ја даде како веќе избран претседател прво ја даде на албански, а не на македонски јазик.
Од партијата сметаат и дека Гаши го злоупотребил Законот за државни симболи затоа што во слата во која се одржуваат пленарните седници на Собранието се поставени и симболи на НАТО и на Европската Унија, а не ставил на дневен ред точка за констатирање на престанок на пратеничката функција на Талат Џафери кој во исто време сѐ уште ја извршуваше функцијата технички премиер.
Пратениците од Левица наведуваат и дека при посетата на Гаши на Вашингтон за време на Самитот на НАТО со него патувала и неговата сопруга.
Според нив, Гаши не го почитува Деловникот затоа што седниците траат до доцна во ноќта, редовните координации меѓу партиите се случуваат „про форма“, а не ги почитувал и роковите за закажување седници. Линк