Владата на ВМРО-ДПМНЕ досега има неколку илјади реализирани проекти кои што се во директен интерес на граѓаните на Република Македонија, а СДСМ го потценува народот, реагираат од владејачката партија откако Ванчо Узунов од СДСМ на денешната прес-конференција пред новинарите претстави статистички податоци, според кои, Узунов рече дека Владата на Груевски ги купувала изборите.
>> Узунов: Како Груевски ги купува изборите
– ВМРО-ДПМНЕ се согласи на барањето на СДСМ во текот на преговорите за изборниот Законик, само СДСМ да престане да плаче и да бара алиби за своите порази, како што и впрочем е денешната прес конференција на потпретседателот на СДСМ, Ванчо Узунов. Во сите изминати години оваа Влада предводена од ВМРО-ДПМНЕ исплаќаше редовни субвенции и редовна социјална помош. Ние никогаш не сме отпишувале долгови за вода за граѓаните како што правеше Зоран Заев во Струмица, непосредно пред локалните избори, се вели во реакцијата на партијата на власт.
Оттаму упатија повик до Социјалдемократскиот сојуз да направат споредба на резултатот од престојните и претходните избори и самите да се увереле дека и покрај новиот изборен закон, донесен по терк на СДСМ, повторно ќе ги изгубеле изборите со идентичен резултат.
– Владата предводена од ВМРО-ДПМНЕ со години во континуитет презема мерки и проекти, се покачија пензиите на пензионерите за 50%, се покачи социјалната помош за 47%, се обезбедија субвенции за земјоделците кои не добиваа ниту денар во време на СДСМ, се покачија платите на администрацијата, се реши статусот на стечајците кои СДСМ ги создаде, се реши статусот на професионалните војници и уште многу други мерки со кои им се помогна на илјадници наши сограѓани. Ние сме различни од СДСМ и нив тоа ги боли, стои понатаму во реакцијата.