ВМРО-ДПМНЕ реагира на тенденциозното соопштение испратено од Општина Центар во врска со последните случаи на појавување на подземни води во новоизградените објекти.
Општина Центар и градоначалникот Андреј Жерновски како тргнале во својот гнев кон се што се изгради и кон сопствениот хаос во кој самите се втурнаа, нема да не изненади доколку “Скопје 2014“, го обвинат како проект виновен за топењето на глечерите или глобалното затоплување.
„Најпрво се работи за природна појава и непогода, која покрај овие објекти, зафати и голем број на други индивидуални и колективни станбени згради во Центар и Скопје.
Второ, градоначалникот и локалната власт во Општина Центар имаат обврска пред граѓаните на својата општина да интервенираат, бидејќи затоа се избрани и земаат плата од парите на граѓаните“, соопштуваат од ВМРО – ДПМНЕ.
Инаку општина Центар соопшти дека подземни води ги поплавија подрумските простории и на новата зграда на Уставниот суд и Археолошкиот музеј. Водата се црпе за да не дојде до поголеми оштетувања – со пумпи се прави обид да се исцрпи водата во овој нов објект.