„Освен јавни набавки кои општина Струмица и институциите под нивна надлежност ги склучувале со фирмите од фамилијата на Зоран Заев, во смислениот систем на Заев се вклучени и фирмите на неговите ортаци“, објави денеска ВМРО – ДПМНЕ.
Тие денес продолжија да презентираме докази дека Зоран Заев му давал јавни набавки и на неговиот личен пријател и ортак на неговиот брат Вице Заев, Горан Крстев, преку фирмата Јавор Шпед ДООЕЛ Струмица, потенцираат излеани биле огромни финансиски суми.
– Имено, во два наврати, на 05.10.2010 и 12.10.2011 општина Струмица склучила договор за јавна набавка со фирмата Јавор Шпед ДООЕЛ од Струмица за гориво и екстра лесно масло за греење во износ од вкупни 28. 670.000 денари, односно два договори со идентични суми од 14.335.000 денари.
– Тоа значи дека Зоран Заев на својот личен пријател и ортак на неговиот брат Вице Заев, му префрлил милионски суми од парите на граѓаните на општина Струмица, исто како што претходно доделуваше јавни набавки на фирмите на својот татко, чичко, стрина, братучедка и снаа.
– Да потсетиме дека Горан Крстев и Вице Заев се капитално поврзани во голем број на бизниси и се јавуваат како ортаци во фирмите Сара Јавор инжинеринг, Сара инжинеринг и Дравас инжинеринг, објави Диме Спасов.
СДСМ објави реакција од компанијата „АЛ-МАКС“
Денешната реакција на компанијата „АЛ-МАКС“, во сопственост на актуелниот пратеник од ВМРО-ДПМНЕ, В.Пишев, потврдува како работи градоначалникот на Струмица и како функционира администрацијата на градоначалникот Зоран Заев.
Во реакцијата на „АЛ-МАКС“ стои:
„Фирмата „АЛ-МАКС“ навистина го има добиено тендерот од ЈПКД „Комуналец“, но како фирма што понудила најдобри услови на пазарот“.
Денеска, ВМРО-ДПМНЕ повторно изнесува веќе објавувани наводи во претходни изборни циклуси, во кои тврди дека „Зоран Заев давал јавни набавки на негов личен пријател“.
Почитувани господа од ВМРО-ДПМНЕ, очигледно не можете да се одвикнете од вашите навики. По се изгледа дека вие давате и делите тендери од ракав и на свои блиски луѓе и фирми.
Во Струмица, каде градоначалник е Зоран Заев, тендери се добиваат низ законска постапка, и ги добиваат оние што понудиле најниски услови на пазарот, како што потврди и фирмата „АЛ-МАКС“ во сопственост на Васил Пишев, актуелен пратеник од ВМРО-ДПМНЕ и кандидат за градоначалник на Струмица на последните локални избори.
Нова реакција од ВМРО – ДПМНЕ
Фактот дека во општина Струмица и институциите кои се под нивна директна надлежност, јавни набавки добивале фирми во кои сопственици се таткото, чичкото, братучедите, снаата, стрината и бизнис ортаците на Зоран Заев и неговиот брат Вице Заев, не може со ништо да се покрие.
Сите фирми во Република Македонија и надвор од Република Македонија, имале и имаат право да конкурираат и да добиваат јавни набавки во општина Струмица, но не и фирмите кои се семејно и капитално врзани со Зоран Заев и нему блиските фирми.
Тоа господа од СДСМ е чист пример за непотизам и судир на интереси.
Скандалот со јавните набавки во општина Струмица добива огромни и загрижувачки димензии.




