ВМРО-ДПМНЕ денеска промовира документ наречен „Манфест за единствена Македонија“, со кој според промоторите, Никола Попоски, Антонио Милошоски и Илија Димовски има насоки, начела и принципи кои се однесуваат за владеењето во следните 15 години и се заснова на четири принципи: национално обединување за се што значи национален интерес и интеграција, владеење на правото и пазарна економија за подобар стандард на секој граѓанин.
Според ВМРО ДПМНЕ „Манифестот“ е визија за Македонија како:
– единствена матична земја на Македонците, каде обединети живеат со сите граѓани кои се дел од албанскиот народ, турскиот народ, влашкиот народ, српскиот народ, ромскиот народ, бошњачкиот народ и другите народи,им припаѓа подеднакво на сите свои граѓани без разлика на потекло, религија, мајчин јазик, а преку неа тие ќе се здружат со сите балкански народи во рамки на Обединета Европа, ја одржува историската врска со македонската дијаспората како нераскинлив дел од нашата нација,ја истакнува македонска традиција на соживот и сплотеност во различностите, дава исти права и бара исти обврски од сите, а успехот и среќата во животот зависат од способноста на секој човек поединечно
Во партискиот документ се предвидува и редовен дијалог меѓу опозицијата и власта во Македонија за прашања од национален интерес.
– Членството во ЕУ и НАТО е наш интерес и обединувачка цел, каде природно припаѓаме. Со цел да обезбеди поефикасна прекугранична соработка во соседството, корисно е формирање на европски регион помеѓу Македонија и соседните земји за подобро користење на ЕУ-фондови, особено во делот на зачувување на природата, водите и транспортните коридори, рече Никола Попоски, додавајќи дека документот е понуден на СДСМ да го прифати.
Во однос на името, тој истакна дека нема да се прифати промена на Уставот за промена на уставното име.
– Нема да дозволиме кое било решение да биде прифатено од страна на политичари и поединци, Влада или Собрание, без претходно за тоа да се изјаснат македонските граѓани на референдум, а притоа мнозинството граѓани кои ќе излезат на рефендумот да се согласат со можното решение, рече Попоски.
Илија Димовски, пак рече дека занчајно за консттуктивен меѓуетнички дијалог е и спроведување на попис на населението.
– Пописот мора да е статистичка, а не политичка операција кој ќе се води строго според методологијата на европската статистичка агенција „Еуростат” и Организацијата на Обединетите Нации, изјави Димовски.
Според него, неопходно е национално обединување околу целите за подобра економија, повисок раст, повеќе инвестиции, поуспешни претприемачи, новоотворени работни места за нашите граѓани, затоа што тоа е навистина најпотребно.
ВМРО-ДПМНЕ неодамна објави и Патоказ за излез од политичката криза, што бше одбиен од страна на СДСМ.