Со реакција на прес-конференцијата на градоначалникот на Центар, Андреј Жерновски, се огласи ВМРО-ДПМНЕ.
Според нив, актуелниот градоначалник секој ден си создава алиби затоа што не знае како да ја води Општина Центар, не знае да работи, затоа што никојпат не ни работел.
Истакнуваат дека тој ниту еднаш не понудил реален концепт и реално остварлива програма.
Затоа денес, од владејачката партија, велат дека тој наместо да понуди конкретни решенија за граѓаните на Центар, сеуште бара оправдувања за неговата безидејност.