ВМРО ДПМНЕ го повикува Жерновски конечно да ја заврши ревизијата која, според нив, толку време ја најавува. Во писменото соопштение во јавноста, владејачката партија ја спори и независноста на комисијата за ревизија избрана од градоначалникот на Центар.
-Денес очекувавме дека Андреј Жерновски ќе свика прес конференција за да ги соопшти резултатите од ревизијата, но тој дури денес повторно, по којзнае, кој пат најавува дека ќе почне да спроведува ревизија. Се прашуваме што ли само работеше цел месец досега Андреј Жерновски?
-Едвај чекаме и уште еднаш апелираме Андреј Жерновски да ја заврши ревизијата и да ги соопшти резултатите. Но, треба да разбере дека не смее да потроши цел мандат само на најави за ревизија и на ревизии. Тој впрочем освен најавата дека ќе смени една склопка на бандера, не сработи ниту една друга работа.
Во соопштението уште се вели дека ова е само начин како на Слаѓана Тасева и Драган Малиновски “да им се исплатат хонорари за за досегашните и идни услуги за плукањето на власта за наводна корупција, преку т.н. невладините организации кои ги преставуваат”.
-Комисијата која ја составил Жерновски ни најмалку не е независна. И Слаѓана Тасева и Драган Малиновски се избирани фунционери од страна на Собранието на РМ во време кога мнозинството го имаа СДСМ и ЛДП. Тие двајца, впрочем се и гласни поддржувачи на политиката на опозцијата и редовно учествуваат во активности организирани од т.н. невладини организации на СОРОС, а кои имаат за цел да ги оспоруваат политиките на актуелната Влада.
Реакцијата на ВМОР ДПМНЕ доаѓа откако денеска градоначалникот на општина Центар ја обзнани комисијата за ревизија на Скопје 2014 составена од поранешните претседатели на Антикорупциската комисија Драган Малиновски и Слаѓана Тасева.