ВМРО-Народна партија отворено поставува прашање до власта на ВМРО – ДПМНЕ:
„Има ли потреба празникот „Свети Кирил и Методиј“ да се слави како државен празник на Република Македонија?
После комплетните промени на учебниците, комплетната ревизија на историјата мораме да констатираме скоро и комплетна промена на чувствата на граѓаните и нивното расположение, затоа очевидно е дека мнозинството на граѓани се чувствуваат антички, а не словенски македонци.
Факт е дека со историјата на античка Македонија, делото на Светите браќа Кирил и Методиј е обесмислено, кого тие христијанизирале кога античките Македонци од третиот век се пристигнати, кого тие описменувале, кога знаеме ека античките Македонци 1000 години пред нив веќе биле писмени.
После сите овие промени сериозно и препорачуваме на власта дека е лицемерно да се слави понатаму овој празник на државно ниво. Затоа за да ја надминеме оваа неприродна ситуација, ВМРО –НП предлага за во иднина, нивото на овој празник да се симне еден степен пониско, како што имаме празници на националностите.
На овој начин мнозинството на антички Македонци нема да се чувствуваат навредени, а вистинските почитувачи на нивното грандиозно дело непречено ќе си го чевствуваат овој голем ден“, се вели во соопштението до јавност од ВМРО-Народна партија.