По оправдувачката изјава на Илија Димовски, директорот на Центарот за комуникација на ВМРО-ДПМНЕ дека на лицитацијата за земјиштето кај Народна Банка на Македонија, кое се продаде за 1 евро, можело да учествува кој било, ВМРО-Народна партија ја потсетува јавноста на следното:
– Во објавата за распишаната лицитација за ова земјиште постоеше услов за заинтересираните купувачи, и тоа, во последната година да имаат остварено обрт од 15 милиони евра, со што во старт беа елиминирани 99% од заинтересираните фирми. За споредба само, граѓаните од околината што сакаат да си ги дооформат своите дворни места на државата и плаќаат по 300 евра за м/2.
ВМРО-Народна партија нотира неколку парадокси:
– Прво, на договорениот инвеститор му се дава квадратен метар за 1 евро, а се бара годишен обрт од 15 милиони евра. Зошто ако се бара обрт од 15 милиони евра, тогаш земјиштето се продава за џабе?
– Второ, зошто за истото земјиште, македонските граѓани се ставаат во нерамноправна положба и треба да плаќаат 300 пати повисока цена за дооформување на своите плацови?
– Трето, ВМРО-НП е повеќе од сигурно дека конкретната фирма – купувач го нема исполнето условот за остварен годишен обрт од 15 милиона евра.
Од партијата прашуваат дали ова е нов скандал со кој нелегитимно се спречуваат да учетвуваат други заинтересирани фирми со селективно занемарување на бараните услови?
„Овој случај многу наликува на големата афера од пред некој ден со тендерот на Министерството за здравство и уредничката на Сител, Ивона Талевска, што се уште ја бранува македонската јавност“, се вели на крајот на соопштението од ВМРО-Народна партија.