Со истите бои црвена, жолта и црна, познатото лавче симбол на ВМРО и химната „ВМРО ти си наша судбина“, новата коалиција ВМРО за Македонија вечерва ја започна борбата за враќање на старото членство на партијата и пораз на новото раководство. Разочарани од водството на ВМРО-ДПМНЕ под палката на Никола Груевски, членството на партиите Обединети за Македонија, ВМРО Народна и Достоинство вечерва во Македонската опера и балет ги промовираа кандидатите за пратеници и рекоа дека нема шанси по изборите да се коалицира со ВМРО-ДПМНЕ.
Носителите на листи сите облечени во темни костуми и црвени кравати, во преполната сала беа пречекани со громогласен аплауз додека во позадина ечеше химната на ВМРО-ДПМНЕ. На почетокот на конвенцијата пејачката Верица Ристевска ја испеа државната химна, а веднаш потоа се обрати еден од основачите на ВМРО-ДПМНЕ Гојко Јакимовски. Тој пред сите ја раскажа приказната за основањето на партијата и рече дека кога одлучувале кој да ја води, водејќи се од интелектот и харизмата го избрале Љубчо Георгиевски, верувајќи дека ќе биде вистински војвода.
Како што кажаа носителите на листите, нивната коалиција ќе се бори за демократизација на општеството, развивање на економијата и враќањето на слободата и демохристијанските вредности. Братот, војводата и генералот рекоа дека ќе се борат за старото членство на паритјата, но бараат и поддршка на нови членови.
Генералот Стојанче Ангелиов рече дека во 2001 година се борел со оружје за тазковината но дека дошло време борбата да ја продолжи во водите на политиката.
Љубе Бошкоски рече дека патот по кој што тргнале е тежок, но со победничиот двоец засилени со генералот Ангелов имаат сили и ќе се движат кон врвот, кон Хималаите. Тој додаде дека за вистинските вмровци само врвовите хималајски можат да бидат лимит.
Поранешниот премиер и лидер на ВМРО Народна партија рече дека ним не им требаат реклами и спотови за да покажат дека се големи патриоти. Тој ги врати сеќавањњата на членовите кога тој беше премиер. Георгиевски смета дека најголем грев на народот ќе биде ако на една партија и дадат 63 пратеници, бидејќи тоа водело кон присилби и тензии.
Оваа коалиција очекува најмалку 15 пратеници, а ветува дека ќе се бори протов реваншизмот и омразата.
Носители на листо од оваа коалиција се Ден Дончев во ИЕ 1, Љупчо Балковски во ИЕ 2, Стојанче Ангелов во ИЕ 3, Љубчо Георгиевски во ИЕ 4, Љубе Бошкоски во ИЕ 5 и Зоран Велковски во ИЕ 6.