Укинувањето на визниот режим, како што многу земји членки на ЕУ побараа, нема да биде усвоено во текот на оваа 2013 година.
Европскиот парламент е тој кој го кочи усвојувањето на одлуката за повторно воведување на визите за државите од Балканот, тврди Александра Штигелмајер од Европската иницијатива за стабилност (ЕСИ) која во детали го следи овој процес од самиот негов почеток.
ЕУ ги укина визите за Балканот во 2009 и 2010 година што донесе огромен наплив на баратели на азил во овие држави.
Земјите членки на ЕУ не успеваа да се справат со иљадниците баратели на азил кои бегаат од сиромаштијата во нивните земји и побараа од Европската комисија (ЕК) да најде начин да го сопре бранот.
На ова ЕК одговори со предлог за суспензија на визната либерализација со која визите можат да бидат вратени за покус или подолг рок. Но истовремено беа упатени предупредувања до балкански земји тие самите да најдат начин да ги спречат своите сограѓани да патуваат во ЕУ и да се обидуваат таму да останат како азиланти. И земјите членки донесоа реформи на своите азилантски политики па роковите за тоа дали некој може или не да биде азилант е намален минимално а се укина и финансиската помош за баратели на азил. Сето тоа драстично го намали бројот на балкански баратели на азил особено во текот на оваа година. Во февруари и март од 2013 година, на пример, бројот на овие лажни азиланти во Германија е намален од 7000 на 1000 лица во истиот период во 2012 година.
Освен тоа што проблемот барем засега е решен, и европската процедура за воведување на суспензивниот режим е долга и комплексна. Доколку земјите членки донесат одлука за воведување на суспензијата, ЕП е тој што нема да се сложи со неа па со тоа целата процедура почнува од почеток и може да трае многу долго.
Доколку сепак балкански земји не го задржат нискиот број на баратели на азил кои одат во ЕУ, постои и друг начин за воведување на суспензивниот режим. Во тој случај, на барање на земјите членки, ЕК е таа која треба да направи нов предлог кој потоа би бил усвојуван. Но, според Штигелмајер, бројот на земји членки не е доволен за да се добие потребното мнозинство за ваква суспензија.
Целата процедура е истовремено и е предупредување на Балканот. Доколку бранот на несакани азиланти продолжи, ЕУ става на знаење дека постојат механизми тоа да се спречи.
Според ЕСИ, барањето на Велика Британија за воведување визен режим за Балканот е само знак за солидарност кон ЕУ поради тоа што оваа земја не е дел од Шенген зоната и визите за неа не беа никогаш укинати.
Лондон има строга имиграциска политика и со солидарност кон ЕУ сака да покаже дека не попушта во неа и дека ќе држи до своите специфики во таа област.