Жителите на улицата “Горски Венец” од Кавадарци веќе цела година мака мачат со дупките и калта низ која поминуваат за да стигнат до својите домови. Ситуацијата е драматична и за нивните автомобили кои трпат сериозни штети од големите отворени дупки.
Граѓаните газат кал и вода, а надлежните се спремаат за новогодишните празници објави порталот Мојотград.мк
Улицата се наоѓа во централното грдско подрачје во близина на Градската автобуска станица.
.jpg)
Дел oд локалните жители сведочат дека никој досега не реагирал на нивните поплаки и жалби.Еден од револтираните жители на оваа улица вели дека состојбаа е особено катастрофална кога ќе заврне дожд или ќе падне снег.
„Веќе една година, па и повеќе, газиме вода до колена. Автомобилите постојано ни се извалкани со кал. Пешки не можеш никако да се движиш, буквално ти требаат повисоки гумени чизми. Целата состојба не е поднослива, како да не живееме во 21 век. Како да не живееме во централно градско подрачје, туку како да живееме во некое запуштено планинско село. Па денес дури и по селата се асфалтирани улиците. За што плаќаме даноци?“, велат граѓаните за порталот Мојотград.мк.
Од овој портал се уште чекаат локалната власт да одговори до кога жителите на оваа улица ќе газат по кал и ќе ги уништуваат своите возила од огромните дупки кои се наоѓаат на сред пат.
.jpg)