Ураганот Ирма кој викендов ја погоди американската сојузна држава Флорида слабее и сега е со јачина на ураган од категорија 1 со ветрови со брзина од 85 до 135 километри на час. На Флорида е погласена состаојба на природна катастрофа, додека бројот на жртвите е засега три, а 6 милиони луѓе се евакуирани.

Центарот на ураганот го погоди копното јужно од градот Нејплс, а метеоролозите предупредија дека брановите би можеле да достигнат и до 4 метри. Ветровите на почетокот беа со јачина од 192 километри на час.

Сепак, тој и натаму е закана. Според податоците од Националниот центар за ураган, условите карактеристични за ураган и натаму продолжуваат во централниот дел на Флорида.

Ирма се приближува до градот Тампа, а главниот удар се очекува во следните некоку часа. Прво ударот се очекува во градот Лејкленд, источно од густо населениот Тампа беј. Засега брзината е од 22 километри на час.

-Движењето ќе биде кон север во следните 12 до 24 часа. Во центарот на ураганот бележиме обилни дождови најмногу во Флорида, а нешто помалку во Џорџија, Северна и Јужна Каролина. Очекуваме ураганот до утре да премине во тропска бура, а тој ионака полека слабее, изјави Ед Рапапорт од националниот центар за урагани.

Во налетот на Ирма досега загинаа три лица, објави Ен Би Си њуз. Речиси три ипол милиони домаќинства се без струја.

Американските научници предупредуваат дека до сега голем проблем претставува дождот и брановите на плима.

На Флорида се евакуирани 6.300.000 жители поради бранови опасни по живот.  Како последица на ураганот делови од Мајами се под вода, а во финансиската област таа изнесува 60 сантиметри.

Полицијата соопшти дека е зголемен бројот на кражби и грабежи.

На барање на гувернерот на Флорида Рик Скот, претседателот Доналд Трамп одобри да се прогласи состојба на природна катастрофа, односно дека жителите можат да се пријават за средства за привремено сместување и поправка на домовите.

– Ова се лоши вести, ова е некое големо чудовиште, изјави Трамп пред новинарите во Белата куќа. Тој додаде дека Ирма ќе чини многу, но дека во моментов не се размислува за трошоците, туку за човечките животи.

Метеоролозите велат дека Флорида сепак не ја зафатило најлошото сценарио и дека материјлната штета е многу помала отколку што се очекувало.

Флорида во 1992 година помина низ многу посилен ураган кој направи штета од над 20 милијарди долари, поради што системот на градба е направен на тој начин да може да издржи уари на ветер и до 215 километри на час.

Во налетот на Ирама на карибите загинаа 28 луѓе. Пред Флорида ураганот ја зафати Куба, каде повеќе илјади странски туристи се евакуирани од брегот на карипските земји.

Извештаите покажуваат дека летувалиштата се разурнати, а патиштата кои ги поврзуваат со копното се пресечени на неколку места.

Ураганот првично речиси ги уништи Барбуда и Сент Мартин.