По синоќешниот обид за инцидент во гимназијата „Кочо Рацин“ во Свети Николе, кој заврши доцна во ноќта со интервенција на полицијата, денеска е мирно.
Се разотидоа спротивставените табори откако полицијата им обезбеди сигурен излез на лицата кои беа внатре во гимназијата.
Според екипата на НОВА која е на терен, во гимназиајта во Свети Николе навреме биле отворени двете гласачки места и гласањето се одвива непречено.
По состанокот во канцеларијата на изборната комисија во Свети Николе, одржан доцна синоќа со претставници на спротивставените табори, било утврдено дека не е направен никаков прекршок на изборниот процес и дека гласачкиот материјал воопшто не бил донесен во училиштето, туку пристигнал утринава.
Да потсетиме дека синоќа додека лицата внатре велеа дека имаат родителска средба, другите надвор обвинуваа дека се подготвува изборен фалсификат.