Двајца настрадани и дваесетина повредени во застрашувачките пожари кои ја зафатија Грција последните денови особено во нејзините јужни делови. Едниот од настраданите бил волонтер врз кого се срушил еден електричен столб а другиот бил пожарникар. И натаму активни се околу 154 пожари а шест области се означени како области со висок ризик од кои населението се евакуира.
Најактивни биле пожарите на север од Атина, а временските услови и денеска не им одат во прилог на противпожарните и спасувачките екипи , поради силните ветрови и високите температури.
Евакуирани се илјадници граѓани на Грција, а изгорени се куќи,автомобили, компании. Најсериозна е состојбата на Евиа и во Олимпија. Синоќа на Евиа била организирана голема спасувачка акција за населението и туристите. Сите пловила кои можеле да се движат по вода биле ставени во функција.
Во Грција по три децении ова е најдолг топлотен бран што ја зафатил земјата. Европските официјални лица сметаат дека најголем број од пожарите во Медитеранскиот дел на Европа и јужниот Балкан се должече на климатските промени.