Државната изборна комисија закажа вонредна седница за 10 часот наутро, со цел да се разгледа барањето на Општинската изборна комисија на Куманово, за предавање на избирачки списоци од 3 избирачки места на истражен судија.
Од ДИК не знаат зошто истражниот судија ги бара избирачките списоци и велат дека подетални информаци ќе има кога ќе заврши седницата. Од општинскиот штраб на СДСМ од Куманво велат дека полицијата привела тројца граѓани и дека врз нив се врши притисок да признаат изборни нерегуларности.
Оливер Спасовски од СДСМ изјави дека е издаден налог за да се земе материјалот од три избирачки места, поради наводно неостварени избирачки права.
По ваквиот развој на настаните актуелниот градоначалник Зоран Дамјановски на својот Фејсбук профил ги повика своите симатизери на протест во 10 часот наутро за, како што вели да се спречи обидот за фалсификување на изборните резултати.