Во продавниците низ државата не е пронајден готовиот производ од шведската фирма „Финдус“ кој наместо говедско, во лазањите ставале коњско месо и со тоа успеале да ги измамат потрошувачите во 16 земји во Европа.
Скандалот со лажно декларираото месо кое е со потекло од Кипар и Румунија ја тресе Европа. Од Агенцијата за храна и ветеринарство велат дека од утринава вршат контрола на маркетите и досега не пронашле ниту еден од овие производи.
-Инспекторите во моментот се наоѓаат во маркетот Карфур и со сигурност можам да кажам дека таму нема производи од овој шведски бренд изјави за НОВА Абдулезал Догани заменик директор во Агенцијата.
Догани нагласи дека македонските граѓани не треба да се вознемируваат бидејќи и конзервата со рибата туна на „Риал“ ја нема на домашниот пазар.
Туната „Риал“е повлечена од Хрватска, Босна и ХЕрцеговина и Црна Гора бидејќи во неа е пронајдена голема количина на хистамин кој предизвикува алергии.
Стручањаците велат дека присутвото на хистамин во рибата всушност е показател дека производот е стар и не е за употреба.
Во моментот се чекаат и резулатите од аналзите од хрватското млеко на Дукат и Виндија кои беа контаминирани со опасниот афлотоксин М1, а секоја серија која влегува во државата подлежи на строга контрола информираат од Агенцијата за храна и ветеринарство.