Заменик – претседателот на Советот на МРТВ, универзитетскиот професор Агим Лека вели дека позитивно ќе одговори на барањето на член на Советот за да се одржи седница на која ќе се разгледуваат дисциплинските постапки поведени против повеќе новинари во јавниот сервис, а за кои пишуваше дневниот весник “Вест”. Лека за Нова вели дека деновиве е во жалост, но многу скоро ќе одговори на барањето и ќе закаже седница.
-Го примив барањето и го прочитав, но за жал, во истиот ден примив и една тажна вест за смрт на мој близок и поради тоа овие денови сум во жалост. Но, јас ви гарантирам дека штом закрепнав, веднаш ќе одговорам и ќе одржиме седница, рече Лека за Нова.
Освен ова барање, Советот на МРТВ треба да го разгледува и финансискиот извештај на куќата. Работите доцнат бидејќи претседателот на Советот Слободан Чашуле беше назначен за амбасадор во Шпанија и замина за Мадрид, а заменикот Агим Лека бил на студиски престој во странство, а тие двајца се и единствените кои можат да закажат седница.
Скандалот со поведените дисциплински постапки го објави дневниот весник “Вест”
“Колегите во МРТ тврдат дека неоснованите дисциплински постапки против нив имаат цел да ги замолчат и слепо да ја следат уредувачката политика. Има драконски и неосновани казни на платите до 30 проценти и преместувања од едно на друго работно место, не почитувајќи ја процедурата утврдена со законот, и без никакво образложение. Новинарите мораат секој ден да поднесат извештај како го потрошиле работното време од осум часа, со кого се виделе, што разговарале, за што пишувале и други слични детали”, изјавуваше за “Вест” претседателот на ЗНМ Насер Селмани.
Реагираше и раководството на МРТВ кое иако призна дека постојат дисциплински постапки против новинари, негираа дека тоа се прави од политички притисоци, а го обвинија ЗНМ дека постапувале мотивирани од лични интереси.
-По подолг период МРТ понуди програма атрактивна за гледачите и ја возобнови сопствената продукција. Потади ова не можеме како ништо друго освен како притисок да го протолкуваме атакот од страна на ЗНМ. Сметаме дека Здружението реагира исклучиво поради лични интереси, а не во заштита на новинарските права за кои треба да се грижи, пишуваше во соопштението на МРТВ.
Каков ќе биде исходот од седницата на Советот на МРТВ останува да се види откако заменик претседателот ќе ја закаже и реализира. Во меѓувреме, и Советот за радиодифузија треба да одржи расправа за извештајот на ОБСЕ за работата на јавниот сервис. Според извештајот од мониторингот врз медиумите на ОБСЕ за време на изборната кампања јавниот сервис бил пристрасен во корист на владејачката партија и не обезбедил еднаква застапеност на сите политички субјекти во кампањата.
ки субјекти во кампањата.