Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Во петок нема да има Брегзит

0
By Нова ТВ on April 10, 2019 ВЕСТИ
Фото: standard.co.uk
СПОДЕЛИ
Facebook Twitter LinkedIn Email
Published: Wednesday, April 10, 2019 08:38

Челниците на земјите членки на Европската унија на денешниот вонреден самит, на кој ќе присуствува и британската премиерка Тереза Меј, ќе соопштат дека во петок нема да има Брегзит, јавуваат светските агенции.

Сепак, дипломатите се уште не можат да се усогласат на кој период и под кои услови ќе биде одложен Брегзит, додека британските пратеници вчера го одобрија планот на Меј за одложување на Брегзит до 30 јуни.

Две недели откако на сличен самит беше донесена одлука Брегзит да се помести од 31 март на 12 април со цел Меј да се обиде да обезбеди парламентарна поддршка за нејзиниот договор, министрите на земјите членки на ЕУ велат дека британската премиерка не ги исполнила нивните услови за дополнително продолжување на рокот за излез од Унијата.

Сепак, со цел да се избегне Брегзит без договор, од кој никој не би имал корист, дипломатите тврдат дека фокусот сега е на предлогот на претседателот на Европскиот совет Доналд Туск за одложување на Брегзит на период до една година за да и се даде на Велика Британија повеќе време да го организира излезот од Унијата.

Одложување на Брегзит на една година би значело дека Велика Британија ќе учествува на изборите за Европскиот парламент. ЕУ исто така би сакала да го ограничи влијанието на Британија врз донесувањето поважни одлуки, но доколку Брегзит се одложи на една година, тоа ќе биде тешко да се спроведе.

Дипломатите тврдат дека најверојатна опција е продолжување на Брегзит на девет месеци, односно до крајот на годинава, јавуваат светските агенции.

– Секаква одука ќе и служи на целта. Нашата цел е уреден излез на Велика Британија од Унијата. Но, за да дојдеме до тоа, Велика Британија мора да се согласи на договор, изјави преговарачот за Брегзит Мишел Барние, но и додаде дека дополнителна година за продолжување на процесот би била предолг период.

Меј, која се уште не е во можност да обезбеди парламентарно мнозинство што ќе го поддржи нејзиниот договор за излез од Европската унија, вчера ги посети Берлин и Париз. Германската канцеларка Ангела Меркел оцени дека излегувањето на Велика Британија од Европската унија (Брегзит) може да се одложи до почетокот на 2020 година.

– Одложувањето на Брегзит за неколку месеци е можно, до почетокот на 2020 година, изјави канцеларката на состанокот со членовите на нејзината Христијанско-демократска унија (ЦДУ).

Канцеларката Меркел, која се состана со британската премиерка Тереза ​​Меј, рече дека ЕУ не сака да и наметне на Велика Британија „неуредено” заминување од членството, бидејќи во интерес на Унијата е да продолжи да има добри односи со земјата.

На средбата со францускиот претседател Меј го информира Емануел Макрон за разговорите со опозициската Лабуристичка партија со цел да се најде излез од ќор-сокакот за Брегзит. Тие, исто така, разговарале за претстојните избори за Европскиот парламент, а британската премиерката истакнала оти „Владата работи многу напорно за да се избегне учеството на Велика Британија на тие избори“.

Елисејската палата претходно соопшти дека Франција не е против одложување на Брегзит, но, период од година дена, како што предлага Брисел, е премногу. Париз „не е затворен за други решенија, но со одредени ограничувања и не по секоја цена“, наведе Палатата пред состанокот на Макрон и ​​Меј, која по Берлин отпатува за Париз.

И претседателот на Европскиот совет Доналд Туск вчера испрати писмо до лидерите на 27-те земји членки на Европската унија во кое се заложи за одложување на Брегзит за најмногу една година.

Германскиот министер за финансии Олаф Шолц изјави дека „се уште е уверен“ оти Долниот дом на британскиот Парламент ќе го прифати Договорот за истапување на Велика Британија од ЕУ, што лани во ноември го постигнаа Владата во Лондон и Брисел.

– Се уште сум уверен дека ќе има мнозинство во (британскиот) Парламент, што ќе се согласи на Договорот меѓу Европската Унија и Обединетото Кралство, изјави Шолц во интервју за Си-Ен-Би-Си.

Тој оцени и дека преговорите што се водат меѓу британската Влада и опозициската Лабуристичка партија за усвојување на Договорот, се добри и за Европа и за Велика Британија.

Британската премиерка Тереза Меј се обидува да постигне компромис со лидерот на Лабуристичка партија, Џереми Корбин, со цел лабуристите да го поддржат усвојувањето на Договорот за Брегзит во Парламентот.

Во меѓувреме белгискиот премиер Шарл Мишел за денеска свика состанок на земјите на Европската унија во Брисел, кои се „најдиректно засегнати“ од евентуланиот излез на Велика Британија без договор.

Според портпарол на премиерот, францускиот претседател Емануел Макрон и германската канцеларка Ангела Меркел  се меѓу поканетите на „средбата за координирање“, планирана пред вонредната средба на ЕУ, посветена на Брегзит.

Бројот на учесници се уште се прецизира.

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.