Девет полицајци и четворица учесници биле повредени во синоќешниот протест пред Собранието на РМ. Полицајците имале посекотини и удари по глава и тело од камења и други тврди предмети, а тројца граѓани имале повреди од некакви експлозини направи поради што сите биле задржани на Клиника за пластична хирургија каде им била пружена медицинска помош. По санирањето на повредите и опсеравација во текот на ноќта, сите се пуштени на домашно лекување.
„Полицајците имаа посекотини и удари по глава и тело, а тројца граѓани имаа лесни повреди од експлозивна направа. Еден од нив имаше повреди на двете потколеници, другиот на лицето главата веројатно до удари, третиот исто така со расеченици од експлозивна направа“, изјави за НОВА Алберт Леши раководител на Ургентниот центар на скопските клиники.
Двајцата други повредени, еден полицаец и еден учесник во протестот помош побарале во Градската хируршка болница “Св. Наум Охридски“, потрвди за за НОВА директорот Иван Спировски.
„Повредените се донесени околу 23 часот. Полицаецот се здобил со удари по главата преку шлемот, со цврсти предмети. Вториот граѓанин е учесник на протестот кој имал асма и помош побарал поради тоа што вдишал солзаве. И двајцата ноќеска се задржани на опсервација, по што утринава се пуштени дома“, изјави Спировски за НОВА.
Тој рече дека во амбулантата имало и други граѓани кои дошле уплашени поради вдишан солзавец, но ниту еден од нив немал ништо сериозно.