По спроведена акциска контрола во текот на вчерашниот ден на територијата на град Скопје изречени се вкупно 135 мерки, меѓу кои за возење без возачка дозвола 11, осум за непрописно престројување, шест за возење под дејство на алкохол.
Од МВР информираат дека воедно се изречени и шест мерки за користење мобилен телефон, 10 прекршоци што ги чинат пешаците, седум за минување на црвено светло, 59 за непрописно паркирање.
– Засилените акциски сообраќајни контроли продолжуваат. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, порачуваат од Министерството.