Списоци со малолетни одбојкарки од Струмица кои се наводно позитивни на Ковид-19 се врти низ социјалните мрежи и ги вознемирува децата и нивните семејства. Списокот се споделува бидејќи пред извесно време две девојчиња се регистрирани како позитивни па целиот клуб е во изолација. Од клубот „Виктори волеј“велат дека сите се чувствуваат добро, немаат симптоми и периодот на изолација истекува за набргу.
Претседателот на Клубот најавува кривична пријава против непознат сторител, бидејќи е наненсена штета на клубот, а нагласува дека недозволиво е да се обајвуваат имиња на малолетнички кои се позитивни на Ковид.
„Нанесена е голема штета и веќе ги запознавме сите институции, по што верувам дека виновникот кривично ќе биде гонет. За нас е најважно дека девојчињата се добро, а сите ние останати, за 2-3 дена ќе завршиме со самоизолацијата. Срамот што ни е нанесен од некои неодговорни луѓе на социјалните мрежи веруваме дека ќе биде казнет“, изјави претседателот на Клубот, Василев.