Во Црна Гора, поради влошување на епидемиската состојба предизвикана од коронавирусот, во следните 15 дена ќе биде задолжително носење заштитни маски, а здравствените власти уште еднаш апелираа до граѓаните да се вакцинираат против Ковид-19.
Директорот на Институтот за јавно здравје, Игор Галиќ, изјави дека задолжително ќе биде носењето заштитни маски во сите институции на јавната администрација, продавници за храна, аптеки и бензински пумпи.
Мерката се воведува поради зголемувањето на бројот на заболени и хоспитализирани лица.
Галиќ додаде дека заштитните маски се задолжителни и во затворените места на аеродромот, железничките и автобуските станици и најави дека ќе следи задолжително носење маски во сите затворени места доколку тие мерки не доведат до подобрување на состојбата.
Тој апелираше да се вакцинираат сите кои досега не биле вакцинирани.