Во Ваксинце полицијата синоќа пронашла 81 мигрант кои биле сместени во објект сопственост на жител од селото.
Полициската акција била спроведена синоќа, а претресот бил извршен со судска наредба
Меѓу мигрантите кои биле од Блискиот Исток дури 19 биле малолетни деца, а останатите 62 биле возрасни. Сите се пренесени во прифатниот центар Табановце, а сопственикот на објектот е приведен.
Пред десет дена 9 лица беа уапсени како дел од организирана група која прошверцувала 400 мигранти за неколку месеци.
Криминалната група работела според строга хиерархиска поставеност и била поврзана со грчки криминални структури.
Според Обвинителството за организиран криминал, групата во периодот од мај до крајот на септември од нашата јужна граница долж Повардарието до Кумановско-Липковскиот регион, а потоа кон север спровела 395 мигранти од Aвганистан, Пакистан, Ирак, Бангладеш и други земји од Блискиот и Средниот исток. Меѓу мигрантите имало 18 деца.
Обвинителството бара притвор за 9 лица за шверц на 400 мигранти