Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Во земјите од Западниот Балкан е регистрирано зголемување на загадувањето од јаглен

0
By Marija Todorovska on September 18, 2024 ВЕСТИ
СПОДЕЛИ
Facebook Twitter LinkedIn Email
Published: Wednesday, September 18, 2024 13:22

Во 2023 година во земјите од Западниот Балкан е регистрирано зголемување на загадувањето од јаглен, како последица на одлуките на властите да продолжат со работа застарените термоцентрали на јаглен, се оценува во најновиот извештај на мрежата на невладини еколошки организации Бенквоч.

Како резултат на ова, според мрежата, зголемено е загадувањето со сулфур диоксид, а над дозволените ниво биле и емисиите на прашина и азотни оксиди.

– Лани, шест години по стапувањето во сила на Правилата за контрола на загадувањето утврдени со Договорот за Енергетската заедница, емисиите на сулфур диоксид од постројките на јаглен во Босна и Херцеговина, Косово, Северна Македонија и Србија заедно беа 5,7 пати повисоки од дозволеното ниво. Ова претставува чекор наназад во однос на 2022 година, кога тие беа 5,6 пати повисоки од дозволеното, се наведува во документот.

Според организацијата, апсолутен рекордер според емисиите на сулфур диоксид во регионот е електраната „Угљевиќ“ во Босна и Херцеговина. Операторот на електраната „Електостопанство на Република Српска“ земал кредит од Јапонската агенција за меѓународна соработка од 85 милиони евра за изградба на оддел за десулфуризација во „Угљевиќ“, за кој сега од компанијата признаваат дека на работи поради низа технички проблеми, но и поради тоа што претставува „економски товар“.

Вицешампион загадувач е термоцентралата „Костолац Б“ во Србија, која иако од 2021 година бележи намалување на емисиите на сулфур диоксид, сепак тие минатата година биле на ниво 5,8 пати повисоко од дозволеното. И за изградба на оддел за десулфуризација во „Костолац Б“ е земен кредит од Кинеската извозна банка, но тој не се користи целосно.

Блок 3 на РЕК Битола е ставен во функција, а од вчера попладне во 17:35 часот е синхронизиран со македонскиот електроенергетски систем и испорачува електрична енергија.

Бенквоч во извештајот посочува и дека емисиите на прашина од постројките на јаглен во регионот во 2023 година биле за 1,75 пати повисоки од дозволеното ниво, а на азотни оксиди за 1,3 пати.

Согласно Националните планови за намалување на емисиите (НЕРП) на земјите од регионот, до крајот на минатата година требаше да бидат затворени застарените електрани на јаглен, но Босна и Херцеговина, Србија и Црна Гора не ги испочитуваа обврските и тие централи се уште се во функција, се посочува во документот.

Во извештајот се наведува дека термоцентралата „Пљевља“ во Црна Гора требало да биде затворена до крајот на 2020 година, а „Тузла 4“ и „Какањ 5“ во Босна и Херцеговина и „Морава“ во Србија до 2022 година, но тие се уште се во функција. Дополнително, операторот на „Морава“, „Електростопанство на Србија“ соопшти дека се планира оваа термоелектрана да работи најмалку до 2026 година, исто како и „Колубара А“.

Бенквоч нагласува дека Секретаријатот на Енергетската заедница покренал неколку случаи за прекршување на одредбите од Договорот, но засега ниту една од постројките на јаглен прекршители не е санкционирана, ниту пак постојат јасни, ажурирани и реални планови за нивно затворање или усогласување со еколошките норми и стандарди.

Енергетскиот координатор на Бенквоч за Балканот, Давор Пехчевски, оценува дека Владите и јавните претпријатија во регионот „имаат намера да го исцицаат и последниот киловат од нивните стари електрани на јаглен, без оглед на здравствените трошоци“.

Србија е прва во Европа по штетните ефекти oд загадувањето, најмногу од загадениот воздух, и деветта во светот како резултат на деталното истражување на Глобалната алијанса за здравје и загад

– Националните енергетски и климатски планови (НЕЦП) на овие земји мора да утврдат како и кога постепено ќе прекине користењето на јагленот, но повеќето од нив досега не го направија тоа. Во Северна Македонија, затварањето (на постројките на јаглен) се одлага, а во меѓувреме не се преземаат никакви мерки за справување со загадувањето, вели Пехчевски.

Според него, операторите со електраните на јаглен мора да се решат – или веднаш да ги затворат или да преземат мерки за нивно усогласување со стандардите додека не бидат затворени.

Одговорната за енергетска политика во Југоисточна Европа во Бенквоч, Пипа Галоп, смета дека во време кога лидерите на ЕУ изгледаат уверени во способноста на Србија да управува со последиците врз животната средина од ископувањето на литиум, овој извештај нуди „отрезнувачки приказ на реалноста“ во спроведувањето на европското законодавство за животна средина во регионот.

– Неспособноста на Европската комисија да обезбеди усогласеност со законодавството на ЕУ за контрола на загадувањето, става голема дамка на имиџот на ЕУ во регионот. Новиот комесар за проширување мора да се справи со ова, додава Галоп.

Бенквоч е глобална мрежа на 17 еколошки невладини организации од Централна и Источна Европа, чие седиште е во Прага.

Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.