Еден ден откако водителка на руската државна телевизија РТ за време на програмата во живо го изрази несогласувањето со руската интервенција на Крим, на тој канал водителката на вести Лиз Вахл, Американка со филипинско-унгарско потекло, на крајот од вестите соопшти дека си дава отказ.
„Синоќа вестите низ светот на РТ завршија откако една од нашите водителки рече дека руската интервенција на Крим е погрешна. Навистина како репотерка на оваа мрежа се соочувам со етички и морален предизвик, особено од лична перспектива. Мојата баба и дедо се доселиле овде како бегалци, морале да го напуштат својот дом за време на Унгарската револуција, каква иронија, за да побегнат од советските сили“, рече Вахл.
„Еден дел од моето семејство од страна на мајка ми бил соочен со тешка сиромаштија секојдневно. Имав среќа што пораснав овде во САД. Јас сум ќерка на воен ветеран, мојот парнер е лекар во воената база каде секој ден гледа кавква цена плаќаат луѓето за оваа држава. И тоа е причината поради која не можам да бидам дел од телевизиската мрежа која е финансирана од руската влада, која ги разубавува потезите на Путин. Горда сум што сум Американка и верувам во ширење на вистината и тоа е причината што после оваа емисија, јас си давам отказ“, рече видно потресена водителката.