Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Вонредни парламентарни избори во Црна Гора, отворени избирачките места

0
By Marta Pesevska on June 11, 2023 ВЕСТИ, ПОЛИТИКА, РЕГИОН
СПОДЕЛИ
Facebook Twitter LinkedIn Email

Во Црна Гора денеска се одржуваат предвремени парламентарни избори – шести од обновувањето на независноста на земјата на референдум во 2006 година.

Избирачките места се отворени утрово во седум часот, а ќе бидат затворени во 20 часот.

Граѓаните избираат свои претставници во Собранието од 15 изборни листи, а право на глас имаат 542.468 граѓани.

Проекции на изборните резултати од невладините организации кои ги набљудуваат изборите се најавени за 21 часот.

Како што јавуваат агенциите, денешното очекување на јавноста, по три години политичка нестабилност и пад на две влади кои ја загубија довербата во Собранието, е стабилна влада која би ја предводела Црна Гора во следните четири години, ќе го „одмрзне“ процесот на интеграција во ЕУ и ќе го забрза патот кон членство во Унијата.

Фаворит на изборите е популарното, вонпарламентарно движење Европа сега, предводено од поранешниот министер за финансии Милојко Спајиќ.

Кандидатот на тоа движење Јаков Милатовиќ на претседателските избори во април убедливо го победи актуелниот претседател на државата и лидер на Демократската партија на социјалистите (ДПС), Мило Ѓукановиќ.

Граѓанското движење УРА, премиерот во техничкиот мандат Дритан Абазовиќ, настапува заедно со демократите на поранешниот претседател на Парламентот на Црна Гора, Алексе Бечиќ, во коалицијата „Храбро се брои“.

Коалицијата околу Демократската партија на социјалистите (ДПС), поранешниот лидер на таа партија, Мило Ѓукановиќ, ја предводи вршителот на должноста претседател на таа партија Данијел Живковиќ.

Во предизборниот сојуз се Социјалдемократите (СД), Демократската унија на Албанците (ДУА) и Либералната партија (ЛП), поранешни коалициски партнери на ДПС.

Социјалдемократската партија (СДП) настапува независно со листата „СДП-За нашата куќа“ и ја предводи градоначалникот на Цетиње, Никола Ѓурашковиќ.

Членките на неодамнешниот Демократски фронт (ДФ) одлучија да настапат одвоено, бидејќи тој просрпски сојуз беше распуштен пред парламентарните избори.

Новата српска демократија (НОВА) на Андрија Мандиќ и Демократската народна партија (ДНП) на Милан Кнежевиќ настапуваат заедно во коалицијата „За иднината на Црна Гора“. Предизборната коалиција ја предводи Кнежевиќ, а во сојузот е и Работничката партија.

Нивниот неодамнешен сојузник „Движење за промена“ на Небојша Медојевиќ настапува самостојно.

Партиите на малцинствата главно се одлучија за самостоен настап.

Бошњачката партија (БС) со листа „Јасно е!“ ја предводи шефот на таа партија и вицепремиер Ервин Ибрахимовиќ, а Хрватската граѓанска иницијатива (ХГИ) ја предводи претседателот на партијата, Адријан Вуксановиќ.

Албанските партии, освен ДУА, која е во коалиција со ДПС, учествуваат во две коалиции „БЕСА-за европски развој“ и „Албанска алијанса“.

За мандати во новото свикување на Собранието се бори и коалицијата на Социјалистичката народна партија (СНП) на вицепремиерот Владимир Јоковиќ и Демос на Миодраг Лекиќ, листата „Правда за сите“.

На изборите има неколку нови партии и коалиции, како листата на поранешниот министер за правда Владимир Лепосавиќ, сојузот „Народна коалиција – сложно и точка“ предводена од поранешниот директор на Агенцијата за национална безбедност Дејан Вукшиќ, листата „Преокрет – за безбедна Црна Гора“ на поранешниот пратеник Срѓан Периќ и коалицијата „Да. Ние можеме за граѓанска Црна Гора“.

Парламентарните избори што се одржуваат денеска се дванаесетти од воведувањето на повеќепартискиот систем во Црна Гора, а шести по обновувањето на независноста.

Извор: МИА

предвремени парламентарни избори Црна Гора
Share. Facebook Twitter LinkedIn Email
ТИКЕР

Пукотници на универзитет во Пенсилванија: Една жртва и шест повредени

October 26, 2025

Двајца словенечки министри дадоа оставки по убиството во Ново Место

October 26, 2025

Косовското собрание не го избра Курти за премиер

October 26, 2025

Француската полиција уапсила двајца осомничени за грабежот во Лувр

October 26, 2025

Лидерите на Тајланд и Камбоџа потпишаа проширен договор за прекин на огнот во присуство на Трамп

October 26, 2025
ФОКУС

Трамп до Путин: Нема да губам време

ВЕСТИ October 26, 2025

 Американскиот претседател Доналд Трамп изјави дека нема да се сретне со рускиот претседател Владимир Путин…

Родителите на загинатите во „Пулс“: Каде беа институциите кога ни изгореа децата?

October 25, 2025

Католичките свештеници за помалку од пет години сексуално злоупотребиле 4.451 лица

October 24, 2025

Данела Арсовска: Советот на Град Скопје и Управниот одбор се одговорни за состојбата во „Комунална хигиена“

October 23, 2025
ТИКЕР

Пукотници на универзитет во Пенсилванија: Една жртва и шест повредени

October 26, 2025

Двајца словенечки министри дадоа оставки по убиството во Ново Место

October 26, 2025

Косовското собрание не го избра Курти за премиер

October 26, 2025

Француската полиција уапсила двајца осомничени за грабежот во Лувр

October 26, 2025

Лидерите на Тајланд и Камбоџа потпишаа проширен договор за прекин на огнот во присуство на Трамп

October 26, 2025
CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.