Лицето кое по сообраќајката и бркотниците помеѓу заменик министерот за труд и социјална политика, Диме Спасов, дошол за да каже дека наводно тој го возел џипот на функционерот, е возачот на Спасов.
Лицето кое во билтенот на полицијата беше објавен со иницијалиите М.Т. е вработен во Минисерството за труд и социјална политика, ова за НОВА го потврдуваат неговите работодавци.
Според приложеното во билтенот, некаде два часа по полноќ, откако Спасов почнал да бега пред очите на полицајците кое веќе почнале да земаат и искази, се појавило лицето М.Т. за да сведочи дека наводно тој го возел џипот „Туарег“ во кој биле Спасов и уште едно женско лице.
Возачот, сепак, не знаел да каже каде се случила сообраќајката, ниту да ја опише рутата по којашто се движел. Претходно придружничката на Спасов веќе дала исказ во кој потврдила дека тие биле сами во автомобилот, а и во моментот кога полицијата ги фатила по бркотниците низ Тафталиџе, од автомобилот излегол Спасов и девојката.
Според информациите на полицијата, автомобилот управуван од Спасов бил во сопственост на Агенцијата за вработување, а НОВА прави обиди да стапи во контакт со надлежните од оваа институција за да одговорат зошто Спасов го имал на располагање возилото надвор од работното време.