Вработените во скопска Леарница кои цела година немаат добиено плата, најавуваат радикализација на штрајкот поради ингорантскиот однос на институциите кон нив.
Иако претставници на Синдикатот биле примени на разговор со претставник од Кабинетот на премиерот и им било ветено дека до денеска ќе има некаков одговор, тоа не е сторено.
-Се прави криминално дело 10 години, се крши Закон за работни односи на секој чекор. Мислевме дека не знаат институциите, па да ги известивме, до сите институции поднесовме барања на крај не реагираат и тие и уште решение нема. Штрајкот ќе продолжи и ќе се радикализира. Ако самата Влада дозволи овој измачен народ да се малтретира, да ги шета сите институции, тогаш не ми е јасно за кого овој народ плаќа данок, вели Љупчо Чекаловиќ, вработен во Леарница.
Штрајкувачите велат дека со денови не ги извршуваат работните задачи, а неуспешни биле и обидите за дијалог со раководството.
-Моментално не контактираме со никого од раководството на Леарница. Нема никаква реакција, еднаш пробаа состанок со нашите синдикалци, не беше тоа состанок туку народски кажано дерење. Останува на ова, одиме до крај, вели Синиша Младеновиќ.
Од Владата се уште нема одговор дали има некакво решение со кое би с еизлегло во пресрет на работниците. НОВА се обиде да стапи во контакт и со директорката на Леарница, но се до објавување на овој текст не успеавме да добиеме нејзин став.
МЗТ Лерница е акционерско друштво во приватна соственост.